المقالات المضحكه

حبيت اقول لكم موقف طريف صار لي في المملكة
كنت انا وواحد من ربعي موجودين في المملكة شوي وجاء اتصال لصديقي من واحد يعرفه اسمه حسين المهم حسين هذا من برا الرياض جاي هو ويا اثنين من اخوياه واتفقنا اننا نتعشى في المملكة
حسين وربعه اول مره يدخلون المملكة المهم دخلو وقلنا لهم نبي نطلعكم للمطل علشان تشوفون الرياض من فوق قالوا خلاص واحنا عند السكرتي طبعا لازم يفتشك وتنزل اللي معك علشان جهاز كشف المعادن عدينا كلنا وبقى واحد اسمه ماجد كل مامر على الجهاز طلع صوت ؟؟ السكرتي شك فيه وقال ماتطلعون في اللفت الا لحد ماشوف قصة خويكم طبعا كان فيه شباب وبنات يبون يطلعون اللفت والسكرتي رافض لحد مايشوف المصيبه هذي
المهم ماجد مر4 مرات والجهاز يطلع صوت المشكله ماجد مامعه اي شي
شوي عصب ماجد قال للسكرتي طيب تبيني افسخ ثوبي علشان تفتش
شوي قال واحد من ربع ماجد له طيب افسخ نعالك وجرب ادخل وفعلا دخل ماجد وماطلع صوت
ويجي ماجد ويخبط على راسه قاله السكرتي وش فيك قال ماجد الله يلعن الشيطان نسيت اني مسمر النعال
وقتها وربي مت ضحك لدرجة ان فيه بنت كانت واقفه والله انها جلست من كثر مااوجعها بطنها من الضحك

اتمنى يعجبكم هالموقف واتمنى كلكم تطيحون فيه علشان اضحك عليكم