امثال اخر زمن

نظرا لكثرة الأمثال قررنا إعادة صياغتها ونشرها بطريقة جديدة

* من طلب العلا يتفضل فى كابينه 4

* اللى بيته من إزاز ميغيرش هدومه فى الصالون

* فاقد الشىء يدور عليه

* اقلب القدره على فومها الفول يقع منها

* تأتى الرياح محملة بالأتربة

* ياخبر النهاردة بفلوس بكره ينزل عليه أوكازيون

* اللى معاه قرش محيره يجيب حمام ويحمره

* قال يامحشحشين يكفيكوا شر الكمين

* اللى ياكل لوحده يشبع

* لاتبكى على اللبن فى البسكوت

* اقطع عرق وحته بتلو

* اطبخى ياجاريه الأنبوبه فاضيه يا سيدى

* لو حبيبك عسل ما تحطلوش طحينة

* اللى يتلسع من الشوربه يتصل بالمطافى

* وبكره ترجع ريما من عند خلتها فى مارينا

* ياداخل بين البصله وقشرتها حط قطرة علشان هاتدمع من ريحتها

* اصوم اصوم وافطر على المدفع

* القرش الأبيض بيعوم فى البحر الأحمر

* ضربوا الأعور على عينه قالهم كسرتوا النضاره

* اللى ميشفش من الغربال يكشف نظر

* المال السايب يعلم الطلبة

* نام وارتاح وكل عسل نحل التمساح

* من خرج من داره مينساش يأخد المفتاح معاه

* الباب اللى يجيجلك منه الريح شيله وركب قبنورى

* المضطر يركب التاكسى

* رب صدفة خير من ألف ليلة و ليلة

* اللى يخاف من العفريت يعمل عبيط

* المركب اللى فيها رايسين يلعبواطاولة

* اللى خدتوا الأرعه تخدو ام الخلول

* أكل العيش يحب الطعميه

* متبصليش بعين رضيه دنا طلع عين أمى فى السعودية

* اجرى جري الوحوش اوتوبيس710 ماتلحقوش

امثال اخر زمن Cold

انا عمرى ماشفت حد قديم زيك كدا دا انا قريتها وانا فى الابتدائي هههههههههه
وعليكى تراب كمان بس تسلم ايدك اى حاكه منك زى الفل يا جحيم