إزاى تقرأ افكارى

اولا انتوا وحشتووووووووووووووونى جدااااااااا جداااااااا
انتوا عارفين بقى الدنيا عامله ازاى
ليا صديق عزيز واخ كبير ليا
هو بيدرس علم نفس شعبة اكلينيكى
كل ما حد يشوفه او يقابله لازم يسأله
السؤال اللى عقده وخلاه كان هيسيب القسم دا
السؤال هو: ازاى اعرف الشخص اللى قدامى وازاى اعرف اقراه واعرف بيفكر فى ايه وافهمه واتواصل معاه صح؟؟؟؟؟
بالبلدى كدا هو عاوز يعرف هل هو م اصدقائه ولا من اعدقائه.
وبصراحة نوه يريح دماغه ويكتب الرد هنا علشان اللى يسأله تانى
يقوله الرد مكتوب فى حياة الروح
فرد وقالى :
اولا يا بنتى انا لا باطلع لافرخة من العشة ولا ا قطف الورد من الجنينة
لانى ببساطة لا شغال فراخجى ولا شغال جنانيى
فا انك اقول وصفة سحرية علشان تعرف اللى قدامك دا طبعا مستحيل لا ببساطة اانا مش عطار

انما اقدر اقولك خطوط عريضة من المفترض انك تحاول بيها انك تفهم اللى قدامك وتتعامل معاه
وهاحاول انجز واجز والخص علشان عارف انكوا مش فاضيين فى طيارة طالعة ومستقبل بيضيع.
الموضوع هايكون على ثلاث حلقات وها هايكونوا كالتاتى
1- اازاى تفهم شخصية اللى قدامك
2- ازاى نفهم النساء اللى هما الحريم يعنى
3- افضل طرق للتواصل مع البشر
وخلينا نبدأ بأول موضوع
1- ازاى تفهم شخصية اللى قدامك

-- كانت زمان مدرسة التحليل النفسى بتاعت المعلم سيجموند فرويد لما بيحب الراجل المحلل النفسانى يفهم العميل بتاعه كان بيفتح معه الحوار بس ويسيبه يحكى هوا بقى ومن خلال كلامه كان بيقدر يقراه
طب دا هايفيدنا بأيه؟
ان الناس دايما بتحاول تتكلم عن نفسها لو بصيت فى جلسة كدا وكل اللى فيها مثلا بيتكلموا عن واحد صاحبهم اسمه خلفاوى
الاول: يااااه خلفاوى واد جدع انا ماانسالوش موقفه الرجولى معايا
الثانى: لا انا اول ماعرفتى بيه كانت فى الجماعة
الثالث: انا باحبه لله فى لله
الرابع: انا مااعرفش مين خلفاوى دا اللى انتوا قارفينى بيه عالصبح
لو دققت هنا هاتلاقى كل واحد بيتكلم عن الحاجة من وجهة نظره هو وهاتلاقى كلمة انا كتير
جرب تتأمل شوية كدا فى كلام الناس مع بعض او معاك هاتلاقى كله بيحاول يتكلم عن نفسه
ودى اول نقطة علشان تفهم الناس وتفهم شخصية اللى قدامك
= ان الناس بتحاول تقولك شخصيتهم وتديلك مفاتيحهم انما انت بتحاول بردوا تتكلم وتديلهم مفاتيح شخصيتك

انت ومش عاوز تسمع
فلو سمعت الشخص هاتعرف هو ايه وبيحب ايه وبيكره ايه اللى بيضايقه اللى بيفرحه احلامه .....الخ
انا يحضرنى هنا موقف وانا ماشى جنب النيل بتاع امريكا للكاتب الكبير ومعلم فن الخطابة ديل كارنيجى
انه راح مرة حفلة كان مدعو فيها ومايعرفش فيها اى حد وبعد الحفلة ماخلصت كل اللى فى الحفلة قالوا لصاحبه اللى دعاه صاحبك كارنيجى دا كان ممتاز ابقى ادعيه تانى يا وائل .
المهم عمنا وائل دا قال الباشمندز كارنيجى انت عملتهم ايه؟
قاله ابدا يا اسطى كل الحكاية انى كنت بسألهم عن نفسهم واستمع ليهم
فأبدا من دلوقتى راقب كلام الناس ودا اول خيط علشان تقرأ اللى قدامك

ماترحش بعيد واواعا تغير المحطة فاصل ونرررررررررجع تانى بس لو عجبكم الموضوع
لو عجبكم الموضوع عاوزكم تقولولى ايه اللى بيمنع انكم تفهم الشخص اللى قدامكوا او ا ى مشكلات بتقابلكوا

» حرووف لا تقرأ بالعين