انا والبحر

موضوع: انا والبحر الثلاثاء أبريل 13, 2010 4:36 am

حارت افكاري في بحر الافكار الكبيرة
بغيت اوصل لهدف من صغري انا رسماه

عيني ع البحر من كبره و وسعه العظيم
أدور قارب يحمل و يتحمل آخذه لشاطئه

بين الوقفة و النظرة و الترقب المريب
شفت مركبه من بعيد بس شو من مركبه

انتظرت وصولها حتى وصلت في المغيب
و بدت شمس الامل تبتعد من مغربه

صرت في حيرة انا و قمت افكر في المسير
و في النهاية عزمت و ركبت هالمركبه

مشت بى و ودتني لمكان جدا بعييد
و في ظلام الليل خفت و بغيت المجدفه

حتى اوصل للمكان الي بغيته من سنين
و اصعد التل الذي اصريت اني اوصله

و المجدفة كانت طويلة ووزنها كان ثقيل
بس الاصرار ألي عندي كان اقوى بكثير

توجهت بالمركبة الثقيلة المسير
لشاطىء التل الذي اشرتها البوصلة

و بذاك المكان الذي اتوقعه جدا مخيف
لقيت ناس من امثالي و الكل ماشي بمركبة

علمت انه دنيتي فيها اشخاص كثير
عندهم امل بالحياة و التفائل قايده

للنجاح و الحصول على المرتب الفريد
الي من صغري كنت انا رسماه

و الله اني ما احول ولا اغير هالطريق
درب رغبته و رغبني و هو المفخرة

الي عجبة يركب معي بسفينه الحديد
و الي خايف خلي خوفه في المستقبل ينفعه