تـــــعـــــبـــــت

يعز الله مقامتك يا جروحى ماقـدرت اقـوم
قويت ارفع لك يديني وعجزت احمل لك عظامي
تعبت.
وتعب لي قلب(؟) عن الفرحه كثير الصوم
يصوم..... ويفطر بطعنات جرح(؟) خنجره دامي
تعبت .
وتعبت اوراق(؟) خنقها حرفها المسموم
جبـرها حظـها العـاثر تصـافح سقم الاقلامي
تعبت...
وتعبت الجمره تدور في رمد معدووم
تدور لرماد اللي زهـق من حـرها الحـامي
تعبـت ..
وتعبت العبره تستر غيظها بهدووم
تخاف من البطـش يقتـل زفير العبره الظامي
تعـبت .
وتعـبت البسمه تنام وثغرها مهموم
يسليها ضجـيج الصمت..... حتى رمشها نامي
تعبت ...
وتعـبت السكه تنادي ضيها بقدووم
طغى في وجهها الشاحب كآبة سود الايامي
تعبت .
وتعبت الرمله تناظر في سماها نجوم
ليا طاح الشهب خافت وعضت راس الابهامي
تعبت
وتعبت الدمعه في شاطي جفنها بتعووم
تخاف امواج ذكراها تشتت بيض الاحلامي
تعبت ارمي الضحكه على ثغر الصدا المشئوم
وترجع لي حروف الياس مح###ه بالاعدامي
تعبت .....وكل مافيني يدنق للقضاء مهزوم
عجزت لا اوقف بوجه السيوف وجرحها دامي
حاولت ارفع لك عظامي. هلكت وماقدرت اقوم
يعز الله مقامك ياجروحي... شلت اقدامي