جحيم وكبرياء
الاعضاء
عدد المساهمات : 623
نقاط : 1430
تاريخ التسجيل : 02/04/2010
العمر : 34
 |  موضوع: قلم رصاص  الأربعاء أبريل 14, 2010 6:38 am | |
|
قلم رصاص مقصوف
خترف بشىء جواه
طلع الكلام معروف
جه يمسحه مالقاه
اصل القلم مقصوف
كتب القلم مأهور
الذل فينا اتسكن
سن القلم مكسور
والذل ارض ووطن
الخوف سكن الملامح
عشش على البيبان
ولعدش سُكتنا فالح
ولاعمرى كنت جبان
شيوخ القبيلة عرايس
بيتحركه بحساب
واللى يقول الحق
ينضم للارهاب
وداير علينا الرحا
يكسّر الاحلام
ولا حد فينا استحى
وقال كفاية حرام
دالغلا هدم البيوت
نقل الاهالى ع الرصيف
يتمسحو ف اللى يفوت
عشان يلاقو تمن الرغيف
حتى اللى فايت
لابس القميص مكوي ونضيف
اوعاك تفكر انه بيه
دا مناه يشركك عل الرصيف
بس الشهادة نأحة عليه
وعيال تايهه ف الشوارع
متنتورين على كل ناصية
يصرخوا ولا حد سامع
الحياه ع الكل قاسية
نيجى بقى للمعضله
للى هيصلح بإيده
الشباب دول مشكله
يلطف المولى بعبيده
طيور وطيرة من غير امل
لاشُغله تنفع عشان يعيش
حلم الشباب فيه اتقتل
ملقاش قصاده غير الحشيش
آدى بقى كل الحكاوي
للى ناوي يصلح ف يوم
لا وفيه كوسه ورشاوى
وحبة حاجات ملهاش لزوم
كتب القلم وساكنه خوف
لو الكلام ده اتنشر
بص القلم ملقاش حروف
اتاري سنه كان اتكسر
قلم رصاص مقصوف
خترف بشىء جواه
طلع الكلام معروف
جة يمسح مالقاه
اصل القلم مقصوف
لا تسألوني الحُلم
أفلس بائع الأحلام ..
فالأرض خاوية ..
وكل حدائق الأحلام يأكلها البَوَار
ماذا أبيع لكم .. ؟
وكل سنابل الأحلام في عيني دمار
ماذا أبيع لكم ؟
وأيامي انتظار ........ في انتظار
| |
|
